【有義氣】車太鉉戴面具撐金鐘國 智孝被細佬爆大獲
2017年03月20日07:00

綜藝節目《Running Man》早幾日已經爆出,車太鉉雖然係同時段競爭對手《兩天一夜》嘅主持,不過依然義氣撐金鐘國演出節目!

星期日節目終於播出,成員分三組比賽,要集齊多種傢俱,金鐘國就搵車太鉉幫手,不過出演競爭節目會破壞行規,金鐘國話會幫佢打格仔處理,但車太鉉最後為咗方便自己同劇組,就戴面具爆笑登場,夠晒義氣!

至於李光洙喺幫父親公司職員拎宋仲基同趙寅成嘅親筆簽名時,就巧遇朴寶劍,光洙就叫朴寶劍同佢交換簽名,而朴寶劍仲好開心咁祝光洙一定要勝利!

而智孝就搵咗細佬千成文幫手,智孝叫細佬幫佢拎平時用嚟睇劇本嘅桌子出嚟,點知成文就玩踢爆,話呢張枱係智孝每次喝啤酒嘅時候用,搞到智孝勁無奈!

關注我們Facebook專頁
    相關新聞
      更多瀏覽