【型爆】華仔晒廣告片報平安:我、硬朗!
2017年03月20日07:00

劉德華今年1月喺泰國拍廣告時,唔小心墮馬受傷,造成盆骨骨折、脊椎骨裂丶肌肉同筋腱嚴重拉傷等問題,更要由醫療專機急送返港醫治,留院留咗足足50多日先出院,估計仲要停工大半年。

今個月10號華仔喺官網宣佈:「我回家了!」又話:「我盆骨骨折癒合情況理想丶

脊椎骨裂丶坐骨神經系統丶 肌肉與跟腱拉傷等亦已慢慢修復, 一切都開始晴天!勿念!」

呢日華仔仲上載咗一條5秒嘅短片,見佢以一身牛仔look現身,仲單手托住一支長槍慢慢行出馬房,似乎就係佢當時喺泰國,為某品牌拍騎馬場面時嘅部分片段,之後更以「硬朗」為題,替自己打氣之餘,仲交代埋自己嘅最新情況:「每一天、坐久一點點,每一天、站久一點點,會有一天,向前邁出第一步!我、硬朗!」

關注我們Facebook專頁
    相關新聞
      更多瀏覽