【咁得人驚?】航空公司廣告 送乘客去殯儀館?
2017年03月20日17:03

搭飛機最緊要係咩?機票平?準時?飛機餐好食?錯啦,搭飛機最緊要嘅就梗係安全啦!不過部份航空公司就似乎唔係好夠安全啦,因為佢哋竟然會將乘客直接送到殯儀館?

最近有網民翻炒「俄羅斯航空」嘅舊廣告,嗰個喺紅磡展示嘅平面廣告,廣告以藍色作底,配上白字「俄羅斯航空 我們很高興送你到」,個廣告本來都冇乜嘢,幾正正常常,可惜展示嘅地點正正係喺殯儀館附近,搞到好多行過嘅人都以為「俄羅斯航空」會將乘客送去殯儀館,真係大吉利是啦!

不過其實個廣告已經係 2015 年嘅舊聞嚟,當時「俄羅斯航空」亦反應迅速,好快就將有關廣告下架啦!不過「俄航」啲空姐咁靚,唔理點都好,一世人都要坐一次先得嘅!

關注我們Facebook專頁
    相關新聞
      更多瀏覽