【跳車咁型?】西裝男疑坐霸王的被網民極速起底
2017年03月20日15:28

搭的士冇錢比點算?有人就算選擇乾脆跳車著草!最近網上流傳一段影片,一名男子坐的士由太古去將軍澳途中懷疑因為冇錢畀,直接跳車走人!

根據影片顯示嘅時間,相信事件發生喺上星期四(16日),當時一名身穿粉紅色西裝褸嘅男子由太古返去將軍澳,行到東隧入口前,同司機講咗句:「我平時搭開 $120 咋。」質疑司機「玩嘢」,司機回佢一句因為而家塞車,點知位西裝男竟然吐下一句「塞車啊?」就打開車門落車走人,完全冇畀錢!

事件曝光之後,唔少網民都批評西裝男嘅行為,認為佢冇錢就唔好搭的士,更有網民將其起底。西裝男最終係網上道歉,解釋當日同朋友喺銅鑼灣消遣至天明後,同朋友一齊坐的士返屋企,佢哋吩咐司機先到太古城(朋友家),後再回將軍澳。朋友喺太古城落車後冇幾耐佢自己就瞓著咗,點知瞓醒時的士仲喺太古城,但車資已經升至$10X。佢話平咁樣搭到返屋企全程車費都只係 $130 ,於是對司機有所懷疑,並心有不忿。西裝男承諾下次唔會再犯同樣嘅事,仲希望搵返涉事司機親自道歉並作出雙倍賠償。

雖然西裝男已經道歉,不過似乎有網民都唔係幾接受,話要繼續追究,大家又點睇呢?

關注我們Facebook專頁
    相關新聞
      更多瀏覽