【誤墮咸片?】浣熊被騙拍色情廣告 動物園要求廣告賠償
2017年03月20日13:34

相信唔少人都有聽過,有啲女士喺日本街頭遇到星探邀請佢哋試鏡做明星或者模特兒,但結果就畀人呃咗去拍「成人動作片」,最近俄羅斯同樣發生「誤墮咸片」陷阱事件,不過畀人呃嘅竟然係一隻浣熊!

話說俄羅斯莫斯科一個動物園早前借出浣熊畀廣告公司拍廣告,對方本來就話拍攝期間浣熊只需要係毛毯同毛巾上面玩就得。點知嗰個廣告竟然有色情成分,一名金髮裸女喺床上不停挑逗浣熊,又引誘對方爬到自己身上,放係胸前玩弄。

動物園發言人維克托(Viktor Kiryukhin)話事後隻浣熊精神狀況出現問題,容易受到驚嚇,而且非常之怕攝影機,要求對方賠償浣熊受到嘅精神損害,佢哋又批評廣告公司嘅做法非常不道德,除咗令動物受辱之外,仲將浣熊同情色連結,引起其他人誤會!除此之外,亦有市民舉行示威,對廣告公司表示不滿!

關注我們Facebook專頁
    相關新聞
      更多瀏覽