【天才入學試?】網傳小學中文科功課 網民:老師都未必識做
2017年03月20日11:14

究竟而家嘅小學功課有幾深?最近網上又再流聲稱來自小學生嘅中文功課,問題之深令一眾網民嘩然,唔少人都質疑啲問題就算係老師都未必識答!

呢返中文功課共有 10 題,提供咗一啲中文字嘅「部分」,要求學生填返缺少嘅部份變成一個有意義嘅字,好似係題目提供咗「禾」「重」,學生只需填返「多」「力」就可以組成「移動」,不過部份問題似乎出得太深,令人摸不著頭腦,認為即使係老師都未必識得做,有網民更選擇翻查古籍、引經據典。

有人質疑功課題目寫明只需組成有意義嘅「字」,而唔係「詞」,認為只需砌到個字落去,唔洗理詞語成唔成立都得,亦有人話呢份功課只係為咗比學生了解漢字結構。你又點睇呢?

網民留言:

一支竹仔直不甩:X!連個老師都唔X識

Goby Siu Kam 幾年班呀?

Joeylukas Cheung:叫個小朋友做?有病

Azuki TG:小朋友功課? 痴膠花

騷玖石:點解中文功課會有英文註解?

No.4:我返番去讀小學ok?

日出照舊:咪晒精神啦,呢份功課應該係俾小學雞學中文字嘅上下、左右結構,跟數字每一行代表一種結構,如果係上下結構,第一個字俾左上面一part,第二個字就俾下面一part,目的只係俾小學雞習慣字型結構,根本冇需要組詞

延伸閱讀:【小學生數學】網傳小學生數學題 網民高叫「中伏」

關注我們Facebook專頁
    相關新聞
      更多瀏覽