機艙 失物 事件簿:「你的客艙如何,你的 失物 下落定必如何!」
2017年03月17日23:36

上周何鴻燊四房公子何猷君與友人搭香港航空,在機艙遺漏護照一事弄得滿地花生,鬧爆航空公司處理不公,一認出其身份不用10分鐘就尋回 失物 。綜合經常出差嘅旅遊記者多次在機艙賴低隨身物嘅經驗,可以話階級有別係常有發生嘅,正所謂:「你的客艙如何,你的 失物 下落定必如何!」空姐們都話,一班機無人漏低嘢先係奇蹟,Business class入面愈貴重嘅嘢愈容易漏低!

(圖片來源:何猷君微博)01 | 階級有別 廉航最渺茫

旅遊記者常常出差,機上賴低嘢個案如恆河沙數,試過漏低採訪收到嘅press gift耳筒、成袋hand carry零食手信,編輯部好粗略統計發現,坐business class搵得返嘅機會真係高啲!

記者試過漏低存相用嘅harddisk喺商務艙,返到屋企先發現,立即打去航空公司,好彩已被送到機場的失物認領;但有試過在行李帶發現漏低耳筒在經濟艙坐位,搵職員立即搜尋已經搵唔返。

商務艙或頭等有收藏隨身物小櫃,是失物黑點。

若果乘搭的是廉航,尋回機會更渺茫,因為廉航飛機留在停機坪的時間通常只有一小時,乘客一落機職員都要狂風掃落葉咁清理,失物好可能被當成垃圾棄掉。

廉航飛機停留機場時間很短,失物好易被丟去。02 | 及早發現 尋回機會高

記者試過多次漏咗嘢,立即通知職員都搵得返:試過一落機門醒起漏低頸枕,待所有乘客落機空姐立即畀我上機攞返;又有一次落機後坐接駁巴士返custom hall,坐車時驚醒漏低咗一把長傘在行李櫃,即時通知職員,結果空姐在下一班車物歸原主;漏低press gift耳筒嗰次過咗海關先發現,職員mark晒邊班機邊個位結果都搵唔返。

不過空姐回應:「跟足規距來做,乘客一離開空橋就不能再登機,看情況或由職員陪同返回機艙尋找失物。」

空姐提醒大家帶齊手提行李係真心㗎,因為一有遺失物件,空姐就多咗工夫要做。03 | 咁都有人漏低:鑽戒、假牙、義肢

問過多位空姐,原來最多人漏低在飛機上的物件,並非手提電話、銀包或護照一類重要隨身物,而係旅行頸枕、水瓶及頸巾,而且長途機情況最嚴重,因為坐十幾個鐘隨身物比較多,瞓醒一覺未清醒就落機,漏咗嘢都好正常。

空姐又話試過在商務艙同一個位執過幾條名牌頸巾,洗手間最易找到鑽石婚戒,大件行李都有聽聞過,例如微波爐、47吋大電視都有,但最匪夷所思嘅係貼身物品,例如假牙、義肢同輪椅BB車,唔通神蹟降臨乘客一落機就行得返?

04 | 遺失物件常客 原來是空姐!

唔好以為乘客才是失物認領常客,原來空姐都有份,睇CX Secrets專頁,除咗揞名爆料同投訴之外,也是空姐間尋找失物嘅渠道,空姐在機程時通常忙到甩轆,行前行後左穿右插成程機,胸前name badge經常甩掉在機艙。

暖水壺亦是常見失物,君不知空姐們係唔會飲飛機上嘅熱水嗎?飛long haul時,空姐休息小睡專用的crew bunk是失物黑點,瞓醒後趕急要在狹小的空間換衫化妝再serve客,也難怪會漏低嘢。

相關文章:

【首爾必買】11個回購率超高的 韓國平價保養品 推薦 @瑞秋X妮娜。Lovely Day

倫敦大排長龍小食店 Bubblewrap 竟然是香港人的 雞蛋仔 |英國|

全台首間Kitty主題美式餐廳~ Kitty 化身好萊塢巨星陪你用餐@關關

關注我們Facebook專頁