《親親我好媽》出場幾秒 捕獲短裙學生妹 區明妙
2017年02月17日17:25

近日無綫電視劇《親親我好媽》的貼地劇情,引起觀眾對「怪獸家長」議題的關注,除此之外,當然唔少得對劇中角色嘅討論。早前就介紹過備受關注嘅同,接下來要講嘅只係一個得極少戲份,喺劇中飾演學生妹妹嘅 區明妙 (Stephanie)!儘管Stephanie出場可能只有短短幾秒,但絕對逃唔過眼利又對靚女有一份執着嘅網民們法眼,掌聲唔該!

圖片來源:《親親我好媽》截圖、微博、Instagram

日前《親親我好媽》劇情講到一場有關科學水箭嘅學校場景時,一名身穿短裙的靚靚女學生長髮飄飄、高人一等,睇真啲個樣仲幾標緻,即時引起睇劇專心又眼利嘅網民熱烈討論!介紹番,呢位小妹妹叫區明妙(Stephanie),現年15歲,今個月28日生日後就16歲。

原來Stephanie早就已經開始童星之路,除咗拍過廣告之外,上年佢就在《一屋老友記》中飾演童年版滕麗名,亦曾拍攝《與諜同謀》,依家佢就喺家燕媽媽藝術中心接受培訓,細細個就多才多藝,成為「搶手貨」指日可待,唔知有冇機會好似莊錠欣咁去韓國發展?

眼睛碌碌、樣子標緻的Stephanie於社交網站都頗為活躍,平時都會upload唔同生活照,當然亦都唔少得自拍啦!

除此之外,Stephanie更加鍾意做「影後」,海量背影圖,大晒長腿~

Stephanie除咗演戲、拍廣告外,亦都識唱歌,依家課餘時間仍然會接受唔同訓練。細細個就已經周身刀,仲要張張利,相信佢將來喺娛樂圈一定大有作為!

全文完

相關文章:

廿年後回巢 獲無綫優待 張衛健:我好想用返母語廣東話拍戲

食住行全包 李佳芯秘養男友

《有樓萬事足》港女Seasun爆拜金金句:無樓唔好白撞

關注我們Facebook專頁
    相關新聞
      更多瀏覽