廿年後回巢 獲無綫優待 張衛健:我好想用返母語廣東話拍戲
2017年02月17日15:58

「花果山水濂洞美猴王齊天大聖」,一講起孫悟空,香港觀眾一定第一時間諗起 張衛健 (Dicky)!那些年張衛健憑藉《西遊記》孫悟空以及其他經典角色,創下不少收視神話。雖然佢最近二十年都往内地發展,但其實香港觀眾都真係好掛住Dicky,希望佢再拍無綫劇!日盼夜盼,昨日Dicky終於宣布回巢拍TVB 50周年台慶劇《大帥哥》,佢拖住兩大高層曾勵珍與樂易玲行紅地氈進場,隨後揮筆進行簽約儀式。認真威水!

撰文:東方新地

而我不知道蔡思貝、洪永城是誰

昨日下午,張衛健出席在尖沙嘴舉行的「歡迎張衛健回巢賀壽」,更有無綫台慶劇《大帥哥》簽約儀式,張衞健同高層曾勵珍與樂易玲行紅地氈進場,認真隆重!隨後,張衛健就揮筆簽約。《大帥哥》的同劇演員有蔡思貝、洪永城等人,不過Dicky就遺憾地表示自己好少留意無綫劇,無咩留意佢哋係邊個,但相信公司會選擇最合適的演員。

談及點解會重返TVB參演新劇《大帥哥》?Dicky就話,全因「感情」二字!第一,在内地發展不俗,但自己的演藝生命喺TVB誕生,適逢TVB五十歲,要感謝無綫呢個「母校」;第二,佢對香港觀眾有深厚感情,成日都有香港市民好熱情問佢幾時返嚟拍劇、每次返港工作都獲得香港觀眾的歡呼聲!

最重要的女人珍姐

Dicky又話自己長年用普通話演出,一直希望用母語廣東話拍一套劇,以回報香港市民。而最後一個原因就係因爲高層曾勵珍親自邀請,Dicky感動地說:「珍姐睇住我長大,佢連我TVB媾過幾多條女佢都知,但係佢從來冇逼我回巢。今次係重大日子,佢親自邀請,就二話不說答應。」

今次回巢有冇咩特別要求?Dicky就話自己年紀大,所以希望多點休息,以調理自己的心肝脾肺。無綫就答應Dicky每日會有10小時睡覺時間。呢半年裏面,Dicky就投入TVB懷抱啦!而片酬方面,珍姐直言Dicky返TVB的原因並非因爲錢,甚至無提起過酬勞,只是商討過檔期同休息時間咋!曾勵珍同張Dicky相識30多年,今次Dicky重感情、輕酬勞回巢,令曾勵珍一度激動哽咽,場面感人!

不計酬勞全因邵逸夫

去到記者會尾聲,Dicky突然嚴肅起來,提及已離世的邵逸夫爵士,開腔講當年離巢原因。Dicky表示如果邵逸夫仍在世,好想同佢講,自己拍完《西遊記》唔續約,係因爲價錢問題。而今次重返TVB,並無計較一分一毫,希望佢老人家高興,觀眾睇得開心,寫下完美句號。

全文完

相關文章:

食住行全包 李佳芯秘養男友

《有樓萬事足》港女Seasun爆拜金金句:無樓唔好白撞

偶像變男友 馬明 黃心穎慶祝情人節

關注我們Facebook專頁
    相關新聞
      更多瀏覽