【我的志願】7歲童寫信自薦獲 Google CEO親自回信
2017年02月17日15:28

Google 公司出名人工高、福利好,被唔少人視為理想公司,不過要入去工作亦一啲都唔容易,因為佢哋嘅 interview 亦係出晒名難到爆炸,不過英國有位只有7歲嘅小妹妹就似乎未有因此卻步,親手寫自薦信向 Google 求職,更獲得 Google CEO 皮柴( Sundar Pichai )親自回信!

呢位咁大膽向 Google 自薦嘅小妹妹就係來自英國嘅高爾( Chloe Bridgewater ),佢係信入面話自己鍾意電腦,提到爸爸同佢講過係 Google 返工可以坐喺豆袋坐墊同滑梯上工作,令佢好想喺 Google 工作,高爾又話學校老師都讚賞過佢嘅數學能力。

當你以為呢封信會石沉大海嘅時候, Google CEO 皮柴竟然親自回信,話好高興高爾對電腦有興趣,又鼓勵對方要努力學習,等佢完成學業之後再嚟求職!

關注我們Facebook專頁
    相關新聞
      更多瀏覽