【有變態佬?】超市男子見到學生妹 疑做猥亵行為
2017年02月17日16:30

都市人生活壓力真係好大,大家谷住谷住唔發洩嘅話都幾辛苦,不過就算發洩都要睇下咩場合㗎!好似最近就有位男士係超市疑似對一位女學生做出猥亵行為,相當變態!

根據超市閉路電視拍攝到嘅片段睇到,涉事男子先喺超市貨架間不斷徘徊,正當大家都唔知佢目的嘅時候,鏡頭嘅右下角突然出現一個女學生身影,原來呢位古怪男子一直注視注嗰位女學生,更喺對方烏低身嘅時候,放喺下體位置嘅手疑似有所動作!其後佢仲一度走近嗰位女學生,好在有其他顧客走過,先令佢收手行開。

不過都有網民話影片質素參差,難以判斷嗰位男子係咪真係做出猥亵行為,認為佢可能真係抓痕。

關注我們Facebook專頁
    相關新聞
      更多瀏覽