【Stars Girl】散發女人味 劉婷婷Coka
2017年02月16日16:46

今次 Stars Girl 我地請到上年暑假推出個人寫真集《性感的味道》,岩岩去完國內拍劇早兩日先由廣西拍劇回港的劉婷婷Coka 同大家分享一下她的入行經歷,仲有國內拍戲趣事。

進入演藝界

入行之前我係做化妝美容方面的工作,在一次偶然的機會朋友介紹去拍電影就入咗行。

遇到伯樂

上年尾我遇到我現在經理人 STARSHK 老闆 Kenny,佢同我簽咗藝人合約之後,好努力地為我接工作! 話咁快! 第二日已經收到佢電話,問我返唔返大陸拍戲《義本無情》,我覺得新人有機會就要珍惜,所以我諗都冇諗就叫經理人接了。

《義本無情》

最近岩岩去完湖北同廣西拍《義本無情》電影,電影係一出江湖情義,親情友情愛情交匯在一起的正能量電影。蔡克健導演執導的,演員方面有陳慧敏(慧敏哥)、吳志雄(大B哥)、艾美崎Amy、胡斐、楊澤怡Shirley 主演。

我喺戲入面係扮演 大b哥的老婆, 大b哥係一位好專業嘅演員,而且佢好照顧我哋新人,每場戲都會好耐心地同我哋講戲,試戲,令到我哋係正式拍攝嘅時候好快入戲!

Amy都係好似大家姐咁樣照顧我哋,唔單止教我哋做戲仲教我哋做人。每日都會提我哋留意通告時間,唔好遲到,同埋有教我哋點樣襯衫,喺拍攝期間有佢喺度我哋都唔會做錯事。

18日拍攝

由聖誔節12月25日拍到年後1月11日回港,共拍了18日,食方面佢哋特登遷就我哋香港的演員,菜式方面有辣有唔辣,給我們選擇。而住方面,酒店有暖氣 我哋開30度,所以喺酒店的時候我哋做一件衫就夠了 !出去嘅時候我哋就會著厚褸和貼暖包。

難忘趣事

係我們拍綁架戲的時間, 在拍嘅時間大家好似仇人咁樣,但一叫:「Cut.」 的時候,大家就哈哈大笑! 難忘的事,我在湖北的時候感冒咗,其他演員知道就即刻送咗啲感冒藥過嚟畀我,有感冒清膠囊、有板藍根、維他命c、風油精等等,所以我好快就好番。

蔡導演

蔡導演是一位很隨和沒有架子的人,佢好照顧每一位演員, 喺試戲嘅時候我哋除咗外套,佢即刻跑過嚟叫我哋唔可以除外套等到正式拍攝嘅時候再除! 而佢就好有自己的導演風格,佢會話畀我哋聽每場戲要拍什麼,然後就叫我地用自己的方式去演繹出來,給我們好自由嘅發揮空間,所以戲入面每位演員的個性都好鮮明。

蔡導演喜歡我可以演到佢想要嘅嘢,同時又给到佢想不到嘅嘢,我見到蔡導演好滿意我的演出,所以我自己都覺得好滿意!

2017年展望

17年我都會主力拍戲。會為《義本無情》做後期同宣傳工作,同埋蔡導演陸續會開戲,佢會為我量身定做的戲份,我再會有演出機會,另外有空檔時間會做一些商業及慈善活動! 而家都有努力練歌! 盡力可以做到多元化發展。

攝:Tommy Tang

Mua: Mi Chan

原文連結:

【Stars Girl】散發女人味 劉婷婷Coka

相關文章:

陶枳樽將做《面包台》旅遊節目主持

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽