日本制霸 | 偷指紋破顏認證 日本專家提醒︰影相自拍咪擺 V字手勢
2017年01月11日10:00

最鐘意自拍畀「Peace」 V字手勢 嘅日本妹末日到啦!據日本新聞網站報導,依家好多人都鐘意自拍影相放上網,當中唔少照片都清楚見到樣貌之餘,尤其唔少人愛擺出 V字手勢 ,洩漏指紋呢個重要的個人情報,以現行科技及3D打印技術,網絡罪犯想要响張相裡面套取指紋易如反掌!

日前日本各大台的晨間新聞都大字標題叫大家唔好V字手勢影相,避免洩漏指紋等個人情報。 (圖片:YOUTUBE)

好啦,總有人會無知地問,偷來做咩? 閣下iPhone的Touch ID就有指紋識別系統、身份證及護照也有使用生物識別技術,最普遍就是的人臉和指紋識別,由於每個人的指紋是獨一無二,終生不變,被人盜用可是相當麻煩! 據日本国立情報学研究所所做的賁驗,3米內拍攝到的指紋都能夠盜取及使用,尤其依家相機解像度高, V字手勢 只要面向鏡頭,輕易就能完美套取! 咪以為淨係網上罪犯先識用,之前美國有個6歲的小朋友,趁阿媽瞓咗覺,偷偷用指紋解鎖在Amazon買咗大量Pokemon玩具畀自己。睇你以後仲敢唔敢好似過氣成龍咁影相時擺V字手勢!

最普遍就係iPhone的Touch ID用的是指紋識別系統,連接埋APP STORE,被人盜用可以大買特買,相當麻煩!

咪睇少一張相,入面有好多個人資料的,人臉、指紋通通都可以被盜用,記得上網分享自拍照都要做好私隱保障。 (圖片:.pakutaso)

相關文章:

酒店批評 | 日本乳頭溫泉 鶴の湯 記者試住︰雪見秘湯勝藍湖

不小心被警告了? 日本住宿禮儀 常識及潛規則

帶媽媽去日本 | 京阪 6日旅遊超詳細懶人包

關注我們Facebook專頁
    相關新聞
      更多瀏覽