【跟 韓星減肥 】6大 韓星減肥 偏方,信不信由你!
2015年08月18日14:40

夏天過左一半,各位絲打減肥減成點呢?係進展神速,定係停滯不前?如果你已經減肥減到「無晒癮」,節食運動咩法寶都出齊,都仍然徒勞無功既話,不如試下呢6位 韓星減肥 偏方,為求中肯,小記重問埋註冊營養師兼體適能教練江思蓓小姐嘅意見,信唔信呢幾種 韓星減肥 ?睇完你自己決定喇!

Text-ivy photo-網上圖片 special thank-德善健康管理

跟 韓星減肥 你都可以好fit

尹恩惠狂食泡菜

尹恩惠自創嘅「泡菜減肥法」,1日食足3餐,每餐只食半碗白飯,泡菜、蔬菜可以任食。另外,睡前4、5小時完全唔可以食嘢,最後成功修身。

營養師:「坊間上聲稱泡菜裏嘅辣椒素及乳酸菌有助減肥,但依種說法暫時無科學根據。其實市面上嘅泡菜大部分都含有大量鹽分、味精、防腐劑,吃得多可會影響健康,或導致水腫。」

朴信惠飲紅豆水

出道時,朴信惠成日被媒體話佢包面兼象腿。為了減肥,朴信惠夜晚6時後就不再進食,平時只會選擇黃瓜同白菜;同時亦會喝紅豆水來排走體內多餘水分,預防水腫。

營養師:「紅豆含有鉀質,而高鉀低鈉飲食,係有助控制體內水分,減少水腫。不過,只有部分鉀質會流到水裏,而且鉀嘅攝取量係睇整餐,並唔係靠1種食物。另外,有腎病人士要注意紅豆進食嘅分量,同時豆類食物容易引致脹氣,腸胃較弱人士亦都要注意分量。」

UEE牛蒡茶通便

擁有蜜大腿嘅UEE@After School,每日一定會飲超過2公升嘅水,重會飲牛蒡茶,幫助排毒、通便。UEE更指自己身體不太會消化澱粉質,所以拍劇期間都會盡量少食澱粉質高嘅食物。

營養師:「牛蒡具有抗氧化劑及菊苣纖維 ,係水溶性膳食纖維嘅1種,有助刺激大腸蠕動,但是對於減肥並無直接關係。此外,牛蒡茶營養價值亦不如新鮮牛蒡,例如,牛蒡茶纖維含量較新鮮牛蒡低。另外,牛蒡具有凝血作用,因此,高血壓患者或服用薄血藥人士應徵詢醫生和營養師嘅意見才服用。」

朴春@2NE1食西瓜減肥

2NE1成員朴春同樣擁有一雙美腿,為了保持身形同美腿,朴春曾表示會採取嘅減肥方法,係西瓜減肥法。她會係吃飯前30分鐘先吃西瓜,令自己吃飯時候食少啲。又或晚餐只吃5片西瓜,又或者飲350ml嘅西瓜汁,令到修身效果更顯著。

營養師:「雖然西瓜90%以上係水分,適量進食可以增加飽肚感,減少進食其他食物;但西瓜糖分其實唔少,唔可以做正餐。我建議將西瓜當作餐與餐之間嘅小食,因其含有豐富維他命,例如維他命C,又有胞肚感,每次食2-3片最好,而糖尿病患者就需特別留意分量。」

宋慧喬熱愛檸檬水

天生Baby Fat嘅宋慧喬,雖然俾人可愛嘅感覺,但同時亦有肥嘅感覺。不過,近年宋慧喬Keep住Fit,全無反彈,佢嘅秘密武器,就係檸檬水。1公斤嘅水加上半個檸檬嘅檸檬汁分量即可。每天至少飲3公升嘅檸檬水,唔需要特別節食。如果可以搭配每日15分鐘運動,透過運動出汗來排走體內嘅有害毒素,修身效果更佳。

營養師:「我建議用檸檬水代替汔水或含糖分嘅飲品,可節省糖分及卡路里嘅攝取,有助控制體重,但係胃酸分泌過多或胃潰瘍嘅人士,不宜飲得太多檸檬水,對胃部構成激刺。」

李孝利生食減肥法

國民妖精李孝利,雖過年35,但仍然擁有緊實肌膚,完美曲線,令人羨慕不已。除咗熱愛瑜伽,李孝利仲會選擇生吃減肥法,即直接吃未經加熱嘅食物,大多數係蔬菜水果,它們不但含有豐富纖維及維他命,同時容易產生飽腹感,減少之後進食,而纖維亦有助身體排便,一舉三得。

營養師:「生同熟嘅食物營養價值各有不同,例如生蕃茄嘅維他命C含量較烹調過嘅蕃茄高,但烹調過嘅蕃茄,就能令茄紅素更容易被人體吸收,各有好處。所以生熟食物、熱量同體重無直接關係。反而,如果長期只進食生嘅食物,有機會導致營養不均及腸胃不適。」

識揀嘢食唔上可瘦身,重冇埋M痛

除咗食,不如跟《 GYM GIRL 2》陳嘉桓1分鐘練美腿

暑假最期待遊戲! Sanrio年度盛事 超靚限定產品曝光

關注我們Facebook專頁
    相關新聞
      更多瀏覽